Проблем во Челзи: Четворица во изолација по враќањето од Миконос!

Двајца англиски репрезентативци и уште двајца други фудбалери на Челзи завршиле во изолација после враќањето од Миконос каде што оваа четворка била на одмор, објави таблоидот „Сан“.

Според информациите станува збор за Мејсон Маунт, Тами Абрахам, Факајо Томори и Кристијан Пулишиќ. Веднаш по враќањето сите четворица фудбалери биле ставени во карантин. Сите се вратиле од одмор и требало да се појават на подготовите кои дел од фудбалерите ги започнаа. Не е познато дали се заразени меѓутоа поради превентива се во карантин.

Англиските медиуми шпекулираат дека во Челзи има одреден број на заболени, но дека медиумите не објавуваат и се најавува дека нема да се објават ниту резултатите на овие четворица.