Бразилецот Оскар се врати во поранешниот клуб

Седум години Оскар помина во Кина, ги помина таму најдобрите фудбалски години и сега веќе има 33.

Точно така, тоа е она момче што играше за Челзи и беше големо засилување за тој клуб во 2012 година, помина таму пет години, освои и две Премиер лиги.

Кариерата ја започна во Сао Пауло, подоцна играше во Интернасионал, за по Челзи да оди во Шангај Порт каде што стана легенда на клубот.т.

Сега е време за враќање во Сао Пауло, таму каде што сè започна, потпиша договор со тој клуб до крајот на 2025 година и ќе биде првото нивно засилување.

Да потсетиме, овој фудбалер играше и за репрезентацијата на Бразил, постигна и 12 голови за националниот тим, но последниот натпревар го одигра уште во 2016 година.