Проблемот во Реал е сериозен: Покрај Модриќ и Марсело, има уште петмина заразени!?

Реал Мадрид вчера објави дека Марсело и Модриќ се позитивни на коронавирус, но изгледа дека не се во прашање само тие двајца.

Шпанските медиуми пренесуваат дека покрај Модриќ и Марсело има уште петмина фудбалери на Реал заразени и така се доведува во прашање натпреварот кој Реал треба да го игра во недела против Кадиз. Според правилата на располагање еден тим мора да има 13 играчи.

Забранети се сите посети во тренинг комплексот на Реал, откажан е тренингот кој требаше да се одржи утрово, а сите играчи, тренери и вработени ќе прават ПЦР тестирање. Резултатите се очекуваат денес.

„,Марка“ објави дека Модриќ, Марсело и останатите фудбалери кои би биле позитивни ќе мора да бидат во изолација најмалку 10 дена, а тоа би значело дека нема да играат повеќе во 2021 година.