Пристигна во Барса ова лето, а Меси сака клубот да го продаде што поскоро

Барселона ова лето донесе неколку засилувања, a еден од играчите кој пристигна на Камп Ноу беше Жуниор Фирпо.

Овој 23-годишен лев бек одигра одлична сезона во Бетис, а потоа пристигна на Камп Ноу како замена за Жорди Алба во трансфер кој на крајот може да достигне до 30 милиони евра.

Фирпо оваа сезона одигра само четири натпревари за Барселона, но се чини дека тоа не е неговиот најголем проблем.

Имено, некои шпански медиуми пишуваат дека Лионел Меси сака Барселона да го продаде најбрзо што може.

Се наведува дека Аргентинецот смета дека Фирпо не е доволно добар да го замени местото на Жорди Алба во иднина.

Покрај тоа, Меси смета дека поранешниот играч на Бетис не е доволно спремен за натпреварите во ЛШ и Барселона би можела да има проблеми ако Алба пропушти неколку натпревари поради повреда.