Претседателот на ФФМ стана дел од Комисијата на Национални асоцијации на УЕФА

Првиот човек на македонската фудбалска федерација, Муамед Сејдини стана нов член на Комисијата на Национални асоцијации на УЕФА.

Станува збор за тело на УЕФА кое одлучува за важни прашања во европскиот фудбал и ги регулира односите помеѓу Асоцијациите членки на УЕФА и Европската куќа на фудбалот.

Ваквото вклучување на Сејдини во едно важно тело на УЕФА значи и потврда за добрата соработка која ја има Македонската фудбалска федерација со европската фудбалска заедница.

Претседателот на Комисијата за Национални асоцијации е Сервет Јадимчи, претседател на Турската фудбалска асоцијација. Оваа комисија е составена од 15 члена.