Претседателот на Лион го „олади“ Ливерпул

Раководството на Ливерпул веќе договори еден голем трансфер, Фабињо од Монако, а следна трансфер цел е ѕвездата на Лион, Набил Фекир.

24-годишниот француски репрезентативец имаше фантастична сезона со Лион, постигна 23 гола и запиша 9 асистенции во сите натпреварувања.

Фекир е трансфер желба на многу европски гиганти, но тој го избра Ливерпул, а некои медиуми тврдеа дека трансферот е „готова работа“.

Меѓутоа, денес претседателот на Лион, Жан Мишел-Ола изјави дека ништо нема да се случи до завршувањето на Мундијалот и истакна дека клубот не е спремен да преговара.

„Дефинитивно ништо нема да биде завршено до завршувањето на Мундијалот. Неговата цена не е поставена, бидејќи се уште не сме спремни да преговараме“, изјави Ола.