Претераа ли новинарите на „Би-Би-Си“? Санчо бил новиот Меси?

Британскиот „Би-Би-Си“ посвети текст на талентираниот фудбалер на Борусија Дортмунд Џејдон Санчо и го спореди дури со Лионел Меси и Кристиано Роналдо.

Санчо е голема надеж на англискиот фудбал, иако името го изгради во Бундеслигата откако како тинејџер дојде од Манчестер Сити. Во деталната анализа „Би-Би-Си“ изнесе свои аргументи за неговиот огромен потенцијал.

„ Од релативна анонимност во академијата на Манчестер Сити неговиот напредок во Дортмунд беше метеорски. Со 27 голови во Бундеслигата пред 20. роденден тој е најефикасниот тинејџер во историјата на ова натпреварување. На таа возраст Меси беше подобар само за еден гол – 21 (2007). Кристиано Роналдо како тинејџер постигна само 11 лигашки голови“.

„Ако ги соберете бројот на голови и асистенциите, ниту еден млад играч во Европа не може да се спореди со него. Ако се сметаат сите фудбалери од најдобрите пет првенства Санчо се наоѓа во друштво на Меси, Левандовски и Мбапе како еден од најкорисните играчи во Европа“.

„Она со што исто така може да се мери со Меси е реализацијата пред голот. Со оглед дека не е центарфор и дека не влегува често во шанса за гол, тој има и добар голетерски учинок. Неговиот процент на реализација е 30.2 и по тоа е на врвот на оваа листа“.

„Исто така не смее да се занемари и неговата моќ во пренесување на топката и успешното поминување на противничките дефанзивци“.

„Со оглед дека Меси и Роналдо веќе влегуваат во залезот од кариерата се поставува и прашањето за нивни наследник. Џејдон Санчо до сега покажа дека е способен да го повтори она што двајцата најдобри фудбалери во денешницата го постигнаа во своите кариери. Но и понатаму пред него има долг пат“, заклучи „Би-Би-Си“ во својата анализа.