Премиер лигата казнува уште еден клуб и повторно му одзема бодови на Евертон?!

Премиер лигата неодамна го казни Евертон со одземени десет бодови, а според информациите на „Атлетик“, Нотингем Форест би можел да биде следниот клуб кој ќе се соочи со ваква судбина.

Имено, клубовите според најновите правила на лигата треба да го достават својот финансиски извештај за претходната сезона до 31-ви декември, а не како што беше случај доседа до март.

Форест откако се врати во Премиер лигата доведе 42 фудбалери, па клубот мора да врати дел од трошоците и да биде максимално внимателен во следниот преоден рок. Се очекува продажбата на Џонсон на Тотенхем да ги балансира работите.

Но, исто така се најавува и дека Евертон на кого веќе му се одземаа 10 бодови може уште еднаш да биде казнет. По казната тимот од Ливерпул влезе во добра серија на резултати и се искачи до „безбедно“ место над опасната зона, но дополнителна казна може да им ја искомплицира работата.