Преговорите помеѓу Милан и Донарума „запнаа“ околу клаузулата

Младиот голман на Милан, Џанлуиџи Донарума се етаблира во еден од најдобрите голмани на светот, а тоа очекувано донесе денеска голем број клубови да го посакуваат во своите редови.

Донарума влезе во последната година од договорот, сака да остане во Милан, но неговиот агент Мино Раиола е тежок преговарач.

„Скај Италија“ пренесува дека Мино Раиола оваа недела ќе допатува во Милано и ќе има средба со раководството на „росонерите“.

Милан со новиот договор спрема значително зголемување на платата и ќе го направи Донарума најплатен играч во тимот со 8 милиони евра по сезона.

Проблем во преговорите е што Раиола инсистира во договорот да биде ставена откупна клаузула и тоа од 30 милиони евра.

Милан не се согласува со тоа и е спремен да стави откупна клаузула, но не пониска од 90 милиони евра.