По финалето во Лигата на Шампионите на „Енфилд“ пристигнува одлично засилување

Ливерпул и Лил започнаа преговори за трансфер на одличниот напаѓач, Никола Пепе.

Како што пишуваат англиските медиуми, „Црвените“ сакаат да го доведат овој 24-годишен фудбалер во своите редови и да започнат преговори со вицешампионот на Франција за неговиот ангажман. Пепе минатата сезона експлодираше во дресот на Лил. Постигна 22 гола и запиша 11 асистенции, а тие бројки не останаа незабележани од страна на големите гиганти.

Се поврзуваше со многу тимови. Баерн беше најконкурентен, но на крајот цената од 70 милиони евра ги предомисли. Ливерпул се вклучи во трката. Испратија и официјална понуда и Пепе би можел да заврши на „Енфилд“. Прашање е само дали неговото евентуално доаѓање би имало влијание на напаѓачкото трио на Ливерпул. Мане, Салах и Фирмино беа незаменливи и лесно би можело да се случи и Пепе да биде замена за некој од нив.

Меѓутоа, на Ливерпул сега сигурно приоритет му е настапот во Лигата на Шампионите и освојување на трофејот.