По трансферот на Кутињо се огласи и Клоп: Барселона беше негов сон

Oткако Барселона го потврди трансферот на Фелипе Кутињо во своите редови се огласи и тренерот на Ливерпул, Јирген Клоп.

„Би сакал на сите навивачи на Ливерпул да им истакнам дека ние како клуб и понатаму сме сигурни дека останувањето за Кутињо беше подобра одлука, но тој беше 100% сигурен каде сака да ја продолжи кариерата, тоа беше Барселона. Тој клуб беше негов сон“.

„Не е тајна дека Кутињо сакаше да премине во Барселона уште кога овој клуб прв пат покажа интерес. Фелипе беше упорен и се обидуваше сите да не убеди да го пуштиме на „Ноу Камп“.

„Тој е фудбалер кој даде огромен допринос за клубот во своите пет години кои ги помина тука и секако дека сме тажни што нема да ја продолжиме соработката и со тешко срце му посакуваме се најдобро во кариерата“, изјави Клоп.