По „Мирор“ и познат шпански новинар тврди: Нејмар сака во Реал!

Бразилскиот напаѓач Нејмар очигледно повеќе не сака да игра во ПСЖ и планира за многу брзо време да го напушти клубот.

Нејмар за невројатни 222 милиони евра минатото лето од Барселона се пресели во ПСЖ и требаше да ја добие слободата која ја немаше покрај Меси, а иако многу добро се снајде на почетокот во Франција, му здодеа, па сега сака да се врати назад во Шпанија.

Најпрво се скара со Едисон Кавани, па наводно е незадоволен и од тренерот Унаи Емери. Барем така тврди телевизиската куќа од Барселона „Beteve“. Нивната спортска програма „La Porteria“ тврди дека Нејмар се покајал поради одлуката да ја напушти Барселона.

Сега новинар на реномираниот шпански весник „AS“, Игнасио Мигуелез, објави дека младата ѕвезда е одлучна да го промени тимот на крајот на тековната сезона.

„Нејмар сака да си оди во Реал и сака тоа да го направи следното лето. Тој тоа им го вели на сите пријатели, му го кажал и на својот татко. Апсолутно сака во Реал, бидејќи не сака да остане во Париз. Ова би можела да биде неговата прва и последна сезона во ПСЖ“, тврди Мигуелез.

Нејмар со трансферот во ПСЖ стана најскапиот фудбалер во светот, а прашањето е како Реал Мадрид ќе успее да го откупи од францускиот тим и дали пости реална можност тоа да се направи на крајот на сезоната.

Денешната вест на „Мирор“ можете да ја прочитате ТУКА!