Англиски „Мирор“ тврди: Одржан и состанок, позната и сумата на најголемиот трансфер во историјата!?

Англиски „Мирор“ тврди дека планот за Нејмар да премине во Реал веќе се спроведува…

Наводно договорот е направен кога Бразилецот преминувал во ПСЖ, јасно е дека не можел директно од Барселона да премине во Реал, па морал да пронајде поинаков пат, за тоа разговарале неговиот татко и Флорентино Перез минатото лето.

Неодамна Перез излезе во јавноста со изјава дека Нејмар во редовите на „кралевите“ полесно ќе стигне до „Златната топка“.

Англиските медиуми откриваат дека неодамна Перез и Нејмар сениор имале нова средба. Реал сака да го доведе Бразилецот веќе ова лето, а на него останува да издејствува заминување од Париз со наводно изговор дека лигата е слаба и дека има поголеми амбиции, но тоа ќе биде навистина тешко.

Многу по реално е тој да замине во летото 2019 година и да направи ситуација во која ПСЖ не би имал избор. Во тој случај се споменува и конкретна сума од 250 милиони евра, што значи дека Нејмар со овој трансфер би поставил нов светски рекорд.

Во Шпанија тврдат дека само прашање на време е кога Нејмар ќе заигра за Реал Мадрид.