По авантурата во Рели ДАКАР, Вилаш Боаш е подготвен да направи кам бек во фудбалот и тоа во Бундеслигата!

Португалскиот стратег, Андре Вилаш Боаш сака повторно да седне на тренерската фотеља.

Откако своевремено се забавуваше со настапи на рели дакар, Вилаш Боаш кој во минатото имаше третман како новиот Жозе Мурињо, планира да се врати на тренерската професија и има прилично високи амбиции.

Во разговор за медиумите, овој 40-годишен Португалец откри дека учи германски и дека целта му е еден ден да преземе некој бундеслигашки тим. Желбата ниту помалку, ниту повеќе е Баерн Минхен.

„Со години учам германски за да остварам можност да заминам во некој клуб од Бундеслигата. Се надевам дека тоа ќе се случи уште на лето“, истакна Вилаш Боаш и додаде:

„Би лажел доколку би кажал дека не сум заинтересиран за Баерн, кој има неверојатен квалитет и припаѓа во елитата на европскиот фудбал. Го следи целиот свет“.

Последниот ангажман на Вилаш Боаш беше во Кина, каде го предводеше Шангај СИПГ, а уште имаше прилика да ги предводи, Зенит, Тотенхем, Челзи како и Порто.