Потврдено: Фабрцио Миколи мора во затвор!

Славниот поранешен италијански фудбалер Фабрицио Миколи и дефинитивно ќе мора да оди во затвор.

Судот во Италија ја потврди казната затвор од 3.5 години за Миколи кој е обвинет за изнуда, насилство и поврзаност со мафијата. Со оглед на неговата кариера која ја имаше како фудбалер ова секако беше големо изненадување за јавноста.

Случајот датира уште од пред десетина години. Тогаш Миколи со закани се обидел да добие 12.000 евра од газда на ноќен клуб, постоеле и аудио снимки како доказ. На снимките се слушало како Миколи го споменува Џовани Фалконе, познат судија во Италија.

Пред судот Миколи ја признал вината, потврдувајќи дека неговиот близок пријтел Мауро Лаурицела кој исто така е осуден, бил дел од мафијата.

Најголема трага во кариерата Миколи остави како играч на Палермо. Сега како што споменавме казната е потврдена и останува само уште Миколи да ја избере установата каде ќе ја издржува казната.