ПОТВРДЕНО: Роналдо откри дали доаѓа во Скопје!

Македонците кои добија карти со нетрпение го очекуваат Суперкупот кој е закажан за 8 август и во кој ќе играат Реал Мадрид и Манчестер Јунајтед.

Најголемата ѕвезда на Реал Мадрид, Кристиано Роналдо денес потврди дека нема да биде на располагање на Зинедин Зидан за овој натпревар.

Роналдо кој поради обврските кон репрезентацијата на Купот на Конфедерациите имаше пократок одмор во однос на неговите колеги, одмара со семејството и девојката и ќе ја пропушти турнеата во САД.

Португалецот наскоро ќе се врати во Мадрид, но само на кратко, потоа заминува за Јапонија каде што ќе има обврски кон своите спонзори.

Шпанските медиуми пренесуваат дека Роналдо на терените ќе се врати на 13 август кога Реал Мадрид ќе игра против Барселона во рамките од шпанскиот Суперкуп. Сигурно дека оваа вест разочара бројни македонски фанови кои со нетрпение очекуваа на дело да ја видата супер-ѕвездата.