Потврдено: Албиол ја продолжи верноста со Наполи

Дефанзивецот на Наполи, Раул Албиол одлучи да ја продолжи верноста со италијанскиот клуб и потпиша нов договор до 2021 година.

Шпанецот имаше понуда од Виљареал и медиумите тврдеа дека ќе се врати во Примера, но тренерот Карло Анчелоти го убедил да остане на „Сан Паоло“.

„Скај Италија“ пренесува дека двете страни веќе постигнале договор и во следните денови Албиол ќе стави потпис на нов договор до 2021 година.

Оваа вест денес ја потврди и претседателот на Наполи Де Лаурентис, кој исто така потврди дека клубот е блиску до привлекување на голманот на Удинезе, Алекс Мерет.