Постигнат договор: Милик има нов клуб

Италијанските медиуми пренесуваат дека Марсеј и Наполи постигнале договор за трансфер на Аркадиуш Милик.

Полскиот напаѓач влезе во последната година од договорот и не е дел од тимот на Гатузо, па Наполи сака да го продаде во јануари за да заработи на неговото заминување.

И самиот Милик сака да ја промени средината бидејќи во Наполи нема воопшто минутажа оваа сезона.

Заинтересираните клубови како Јувентус, Интер и Атлетико Мадрид се откажаа бидејќи не сакаа да ја платат сумата која ја бараше Наполи за играч кој на лето е слободен агент.

Марсеј беше единствениот клуб кој достави понуда и постигна договор со Наполи. Францускиот клуб за потписот на Милик ќе плати 9 милиони евра плус 5 милиони во име на бонуси.

Полскиот напаѓач ќе потпише 4-годишен договор со Марсеј, каде ќе заработува 4,2 милиони евра по сезона.