Покетино: Целта на ПСЖ е да ја освои Лигата на шампионите

Тренерот на ПСЖ, Маурисио Покетино истакна дека целта на неговиот тим е да ја освои Лигата на шампионите.

Францускиот гигант денес ќе и гостува на Барселона во првиот натпревар од осминафиналето.

„Ќе биде тоа посебен натпревар. Се чувствува дека овој дуел ќе биде важен и може да се забележи дека сите во клубот се возбудени. Секако, нашата цел е повторно да ја освоиме Лигата на шампионите. Сега играме против тим кој има иста цел“.

Барселона и ПСЖ во елитното натпреварување последен пат се сретнаа во 2017 година. Тогаш ПСЖ го доби првиот натпревар со 4:0, а во вториот Барселона направи сензационален пресврт и победи со 6:1.

„Мирен сум и опуштен. Овој ПСЖ е поинаков. Не можеме да го избришеме тоа што се случило, но можеме да изградиме поинаква иднина“, изјави Покетино.

Натпреварот помеѓу Барселона и ПСЖ се игра денес од 21:00 часот.