Покетино ги расипува плановите на Милан и Јувентус

Анхел ди Марија влезе во последната година од договорот со ПСЖ и на лето би можел да си замине како слободен агент.

Италијанските медиуми тврдат дека нема најава за продолжување на соработката со „светците“ и дека големи се шансите од следната сезона да се пресели во Серија А.

Италијанските гиганти Милан и Јувентус веќе стапиле во контакт со неговиот агент и сакаат да го донесат Аргентинецот на лето како слободен агент.

Сепак, Ди Марија пред да донесе конечна одлука сака да разговара со новиот тренер на ПСЖ, Маурисио Покетино.

Доколку Покетино му вети голема минутажа, 32-годишниот Аргентинец ќе стави потпис на нов договор.