Покетино веќе е слободен да потпише со друг клуб

Маурисио Покетино може слободно да мисли за следниот предизвик во кариерата.

Англиските медиуми информираат дека аргентинскиот тренер повеќе не е обврзан со Тотенхем и слободно може да потпише за друг клуб.

Иако доби отказ на крајот на минатата година, Покетино се уште беше под договор со Тотенхем, но сега двете страни постигнале договор за спогодбено раскинување со отпремнина.

Интересот за потписот на Покетино е огромен, а во последно време силно за поврзува со клупата на Њукасл, клуб кој наскоро треба да дојде во рацете на шеици и ќе има голема финансиска моќ.