Познато колку пари ќе добие Јувентус од трансферот на Манџукиќ

Марио Манџукиќ е надвор од плановите во Јувентус, Маурицио Сари не смета на него и тоа стана јасно во првите кола од Серија А.

Она за што долго време се пишуваше сега гласно се тврди во италијанските медиуми – Марио Манџукиќ постигнал договор со Манчестер Јунајтед.

Хрватот не беше пријавен и за Лигата на шампионите. Манчестер Јунајтед сакаше да го доведе на лето, но Манџукиќ имаше желба да остане и да се бори за своето место во Јувентус.

Медиумите тврдат дека се е веќе договорено и само се чека јануари за да се реализира трансферот. Откриена е и сумата која „црвените ѓаволи“ ќа ја платат за неговиот потпис.

Имено, Јувентус за слободата на 33-годишниот напаѓач ќе добие 10 милиони фунти.