Познато кога Киелини ќе се врати на терените

Капитенот на Јувентус, Џорџо Киелини се очекува да се врати на терените во февруари или најдоцна во март, пренесуваат италијанските медиуми.

35-годишниот дефанзивец ги скина вкрстените лиганети на коленото на почетокот на сезоната и моментално се рехабилитира од повредата.

„Мислам дека ќе бидам спремен во февруари-март. За жал тоа е многу долг период. Бев неколку дена на одмор и се вратив да продолжам со рехабилитацијата. Потребно е трпение“, изјави Киелини.

Киелини најверојатно ќе го одигра последниот дел од сезоната и ќе биде спремен за настап за Европското првенство со италијанската репрезентација.

Неговиот договор со Јувентус истекува на крајот на сезоната, но најверојатно ќе продолжи уште една сезона со „старата дама“.