Познато како на „Камп Ноу“ влегле 30.000 Германци

Претседателот на Барселона, Жоан Лапорта денес на пресконференција го посочи виновникот за тоа што на „Камп Ноу“ имаше 30.000 гостински навивачи на мечот со Ајнтрахт.

Барселона беше елиминирана од Ајнтрахт, но главна тема на фудбалската јавност беа навивачите на гостинскиот тим кои во голем број дојдоа во Барселона.

Никому не му беше јасно од каде се дојдоа над 30.000 навивачи на Франкфурт на трибините на Камп Ноу, а добија само 5.000 влезници.

„Официјално, имаме список со имиња и презимиња на 7.800 членови на клубот (социоси) кои ги продадоа своите места на „Камп Ноу“ на навивачите на Ајнтрахт. Имаме конкретни докази за оваа бројка, а постојат сомневања дека значително повеќе членови продавале билети на Германци. Конкретни мерки против нив, ги купија билетите со 50% попуст, а потоа ги продаваа на гостинските навивачи за многу поголема сума пари“, откри Лапорта.

„Овој скандал е предизвикан од препродажбата на билети од страна на Сосиос и нелегалната продажба на билети на навивачите на Ајнтрахт од туристички агенции и неофицијални продажни компании. Билетите наменети за нашите навивачи беа продадени на навивачите на Ајнтрахт за повеќе пари. Ги раскинуваме договорите со нив“, додаде претседателот на Барселона.