Познато зошто Зидан нема да работи во Премиер лигата

Зинедин Зидан во скора иднина нема да работи во Премиер лигата, тврди неговиот поранешен соиграч од репрезентацијата Емануел Пети.

Пети открива дека Зидан не знае англиски јазик, а за него од исклучително значење е комуникацијата со фудбалерите.

Зидан е слободен, па во последните денови неговото име често се поврзува со Челзи и Тотенхем, кои се во потрага по нов тренер.

„Зидан нема да дојде во Англија. Знаеше зошто? Бидејќи не зборува англиски јазик. Тоа е вистината. Го познавам долги години и Зидан и начинот на кој комуницира со играчите. Тој е многу близок со нив и сака постојано да разговараат. Зизу не сака некој да преведува се што ќе каже тој, бидејќи така се отежнува комуникацијата“, тврди Пети.