Познато за колку гласови Родри го победи Винисиус за „Златната топка“

Фудбалерот на Манчестер сити, Родри, ја освои Златната топка со 41 глас повеќе од второпласираниот играч на Реал Мадрид, Винисиус Јуниор, објави Фабрицио Романо.

Во последен момент се променија работите и наградата заврши кај Родри, додека Реал Мадрид и Винисиус решија да ја бојкотираат манифестацијата во организација на „Франс Фудбал“.

Денеска се појавија и детали од гласањето за фудбалерите, па така Родри добил 1.170 поени, односно 41 повеќе од Винисиус.