Познати детали од повредата: Еве кога се враќа Салах!

Мохамед Салах игра фантастична сезона и за само една година стана еден од најдобрите фудбалери во историјата на Ливерпул, според статистиката.

Салах постигна гол и во големата победа над Манчестер Сити во Лигата на шампиони, но ги загрижи навивачите бидејќи поради повреда мораше порано да го напушти теренот.

Извори блиски до Ливерпул пренесуваат дека повредата не е сериозна и дека Салах би можел да се најде на теренот уште утре против Евертон. Меѓутоа, Клоп на пресконференцијата денес потврди дека не сака да ризикува и дека Египќанецот ќе го пропушти градското дерби.

Добра вест за сите во Ливерпул е што Салах сигурно ќе биде спремен за реваншот против Манчестер Сити во вторник во Лигата на шампиони.

Салах оваа сезона постигна неверојатни 29 гола и запиша 10 асистенции на 31 натпревар.