Жерар Пике го критикуваше актуелното раководство на Барселона предводено од првиот човек Жоан Лапорта откако клубот не успеа во намерата да го врати Меси.
Зошто проблемот со улични кучиња СÈ УШТЕ постои? | Уште еден поткаст
Се најавуваше и изгледаше дека Меси е блиску до враќање во Каталонија, но на крајот тој се пресели во МЛС лигата во тимот на Интер Мајами. Пике потсети дека во еден период тој, Бускетс и Алба беа критикувани за високите плати.
„Изгледа дека клубот се уште има финансиски проблеми. Сега кој треба да си замине? Претходно ни се зборуваше дека ние сме одговорни поради високите плати, Бускетс, Алба и јас. Сега ние не сме во клубот, а тие и така не успеаа да го доведат Меси“, изјави Пике.
За ситуацијата во Барселона зборуваше и Меси во интервјуто за „Мундо Депортиво“ во кое го потврди трансферот во американскиот клуб.
„Сакав да се вратам во Барселона, но слушнав дека клубот треба да намалува плати и да продава играчи, а јас да чекам да видам што ќе се случува. Не сакав да бидам одговорен за такво нешто, знам во каква ситуација бев кога заминав пред две години и не сакав тоа да ми се повтори. Не сакав друг да одлучува за мојата иднина, ниту пак некој да страда поради мене“, изјави Меси.
Учество во игри на среќа е дозволено за лица со 18+ години. Играј одговорно!