Перез спремен да плати 50 милиони евра за фудбалер на Монако?

Шпанскиот гигант Реал Мадрид е на добар пат да ја освои титулата во Ла Лига, а исто така продолжува со засилувањата за иднината.

„Кралевите“ минатото лето го договорија Едуардо Камавинга од Рен за 35 милиони евра, а Французинот покажа дека има голем потенцијал. Шпанците сега планираат да го купат Чуамени од Монако за сума од 50 милиони евра плус 15 милиони во бонуси.

Овој 22-годишен фудбалер игра во средниот ред и треба да биде замена за Касемиро, а дека станува збор за квалитетен играч покажува и тоа што настапи седум пати за француската репрезентација.