Пеп руши рекорди, но предупредува: Во декември не се станува шампион!

Лидерот Манчестер Сити во моментов има осум бода предност пред Чези на табелата во Премиерлигата, но Гвардиола предупреди дека во декември никој не станал шампион.

„Граѓаните“ играат феноменално и Гвардиола стигна до 36-та победа во 44 натпревари во Премиерлигата што е рекорд за една година.

Сити во 2021 година освои 110 бодови, додека Челзи има освоено 27 бода помалку, а Ливерпул е трет со 33 бода помалку од „граѓаните“ за годинава.

Гвардиола постави уште еден рекорд, каков досега не е забележан во Премиерлигата, а тоа е што успеал по четврти пат да има славено на повеќе од 10 натпревари по ред во лигата.

„Имаме одлична година, освоивме титула, игравме финале во ЛШ и тоа се големи успеси. Сите овие победи значат дека сме конзистентни и дека не траеме за една ноќ. Меѓутоа, мора да останеме фокусирани, во декември никој не станал шампион“, изјави Гвардиола.