Пато објави дека се вакцинирал: Доаѓаат подобри денови

Бразилецот Алесандро Пато е еден од првите фудбалери кои ја примија вакцината пред новите возбудувања во МЛС лигата која започнува на 17. април.

Пато објави дека ја примил првата вакцина против коронавирусот. Поранешниот напаѓач на Милан денес настапува за Орландо Сити, во овој клуб тој пристигна во февруари оваа година и потпиша договор на една година.

Веста за вакцинирањето Пато ја објави на социјалните мрежи.

„Јас и мојата сопруга денес ја примивме првата вакцина. Убаво е да се види дека доаѓаат подобри денови“, напиша Пато.