Пато: Малдини знае дека сум спремен да се вратам

Aлесандре Пато некогаш важеше за еден од најголемите таленти во светскиот фудбал, беше добитник на наградата „Голден Бој“ во 2009 година, а најдобрите моменти во кариерата ги помина во Милан каде што играше од 2007 до 2013 година.

Денес Пато е играч на Орландо Сити во МЛС лигата, но би сакал да се врати и на „Сан Сиро“, верува дека ќе биде од помош на клубот.

„Добро ми е во Орландо, имам договор тука, а Малдини знае дека сум спремен да се вратам. Созреав и имам друг став кон фудбалот, би можел да им бидам од корист на младите играчи. Ми недостасува Италија и Италијанците. На сопругата и зборувам дека еден ден ќе ги одведам таму, па ќе сфатат што им зборувам“, изјави Пато.