Падна договор: Кариус се враќа во Премиер лигата

Голманот на Ливерпул, Лорис Кариус нема да остане во Бешикташ, а според англиските медиуми веќе е постигнат договор за негово враќање во Премиер лигата.

Пред неколку дена беше објанево дека германскиот голман одлучил да го напушти турскиот клуб бидејќи не му ги исплатиле последните четири плати. Кариус се жалеше до ФИФА и очекува наскоро да биде раскинат договорот со Бешикташ.

Кариус сака да брани, а во Ливерпул за него нема место, па најдобро решение беше повторно да биде испратен на позајмица.

Интерес покажа Вулверхемптон, па двата клуба брзо постигнаа договор за позајмица, тврдат медиумите на Островот.