Официјално: Сетиен повеќе не е тренер на Барселона

Тоа што се најавуваше изминатите денови, сега стигна и официјална потврда – Кике Сетиен повеќе не е тренер на Барселона.

Позицијата на Сетиен беше нестабилна после изгубената титула во Примера, а после дебаклот во Лигата на шампиони јасно беше дека ќе добие отказ.

Каталонскиот клуб денес официјално потврди дека го раскинува договорот со искусниот стратег кој на кормилото пристигна во јануари оваа година.

Прв фаворит за негов наследник е Роналд Куман, а медиумите тврдат дека се договараат последните детали и Холанѓанецот во наредните денови ќе биде назначен за нов тренер на клубот од „Камп Ноу“