Официјално: Санчез се врати во Интер

Чилеанецот Алексис Санчез потпиша договор со Интер кој ќе има важност до 30. јуни 2024. година.

Санчез го носеше дресот на Интер три години во ериодот од 2019. до 2022 година и во тој период на 109 настапи постигна 20 голови и освои три трофеи (Серија А, Куп и Суперкуп на Италија).

Изминатата година напаѓачот ја помина во Марсеј и имаше солиден учинок од 18 голови на 44 натпревари.

Кариерата Санчез ја започна во Кобрелоа, потоа на Европа и се претстави со одличните настапи во Удинезе од каде потпиша за Барселона, па се пресели во Арсенал и Манчстер Јунајтед.

Имаше успех Санчез и во Барселона со која триумфираше во Ла Лига, Копа Дел Реј, УЕФА Суперкуп и ФИФА Светското клупско првенство, еднаш го освои и шпанскиот Суперкуп.

Bienvenido 🇨🇱#ForzaInter #WelcomeAlexis @Alexis_Sanchez

— Inter (@Inter_en) August 26, 2023