Официјално: Потврден трансферот на Лука Станковски

Некогашниот младински репрезентативец на Македонија, Лука Станковски од денес и официјално е нов член на тимот Раднички 1923 од Крагујевац.

Станковски во турски Газијантеп не доби премногу простор за игра, а во последните шест месеци минатата сезона беше дел од Тузласпор од втората лига. Сега кариерата одлучи да ја продолжи во Србија.

„Ми одговара офанзивниот фудбал кој го игра Раднички и се надевам на добри резултати во сезоната“, изјави Станковски за официјалната страна на клубот.

Во редовите на Раднички, Станковски пристигнува како замена за фудбалерот Милан Алексиќ кој направи трансфер во Англија во редовите на Сандерленд.