Официјално: Македонија на Европско пред публика

Европската куќа на фудбалот и официјално донесе одлука, мечевите од Европското првенство 2020, да се играат со присуство на публика.

Според распоредот, Македонија два меча ќе ги игра во Букурешт, а еден дуел ќе го игра во Амстердам.

Европското првенство ќе се одржи во 12 градови, а осум од нив веќе ја доставија целата потребна документација до седиштето на УЕФА. Меѓу нив се и стадионите во Амстердам и Букурешт.

УЕФА потврди дека секој домаќин ќе може самиот да оцени со колкав капацитет ќе може да бидат отворени трибините на стадионите.

Романија планира да пречека 13.000 гледачи на арената „Национал“ во Букурешт, а целиот капацитет е 54.000 места.

На арената „Јохан Кројф“ во Амстердам, каде што Македонија на 21 јуни треба да игра со Холандија, ќе можат да присуствуваат најмалку 12.000 гледачи