Официјално: Барса и Реал се договорија – познат терминот на Ел Класико

Денес беше и официјално потврдено дека големото дерби помеѓу Барселона и Реал Мадрид нема да се одигра на 26-ти октомври поради демонстрациите во Каталонија.

Големите ривали сепак брзо најдоа ново решение и денес договорија нов термин, па „Ел Класико“ официјално ќе се игра на 18-ти декември на Камп Ноу.

Лигата инсистираше мечот да се игра на 7ми декември, но од двата клуба тоа не го прифатија, а во меѓусебен договор успеаја да најдат заедничко решение тој да се игра на 18-ти декември.

Каталонскиот клуб најпрвин негодуваше и не сакаше никакво одложување, дури предложи дербито да се игра пред празни трибини, но на крајот двете страни најдоа компромисно решение.