Официјални состави: Реал без Бензема, Јуве со Манџукиќ – Игуаин!

Денес се играат последните четвртфинални натпревари во Лигата на шампиони и ќе бидат познати последните два патници во полуфиналето.

Во Мадрид се игра дербито на вечерта каде Реал Мадрид со предност од 3:0 го пречекува големиот Јувентус.

Зидан се одлучи натпреварот да го започне без Бензема, со Роналдо и Бејл во нападот и Иско, кој ќе делува позади нив.

Алегри пак во отсуство на Дибала се одлучи за Манџукиќ и Игуаин, а ударното трио ќе го комплетира Даглас Коста.

Официјални состави:

Реал Мадрид: Навас – Карвахал, Варан, Ваљехо, Марсело – Каземиро, Модриќ, Крос, Иско – Роналдо, Бејл.

Јувентус: Буфон – Де Шиљо, Киелини, Бенатиа, Алекс Сандро – Матуиди, Пјаниќ, Кедира – Манџукиќ, Коста, Игуаин.

На другиот натпревар Баерн Минхен ја пречекува Севиља со предност од 2:1 од првиот меч.

Баерн Минхен: Улрих – Кимих, Боатенг, Хумелс, Рафиња – Мартинез, Рибери, Хамес – Милер, Робен, Левандовски.

Севиља: Сориа – Ескудеро, Ленгле, Марчадо, Навас – Нзонзи, Банега, Сарабиа, Васкез – Кореа, Бен Једер.