Откако го поврзуваа со Реал Мадрид се огласи Артета

Во текот на вчерашниот ден се појавија изненадувачки најави дека Микел Артета би можел да го напушти Арсенал за го преземе Реал Мадрид каде што веќе се шпекулира за заминување на Карло Анчелоти.

Шпанските медиуми пренесуваа дека Флорентино Перез бил голем фан на стилот на игра кој го негува Артета и посакал тој да биде наследникот Анчелоти кога Италијанецот би заминал.

Сепак, Артета во својата последна изјава пред вечерашниот дуел со Спортинг во Лигата на Европа, истакна дека е среќен и фокусиран на Арсенал.

„Не можеме да имаме контрола не се што се пишува за нас во медиумите, тоа е нешто кое треба да го прифатиш кога си во оваа работа. Можам да кажам дека сум целосно фокусиран на мојата работа во Арсенал. Среќен сум и благодарен што сум дел од овој клуб, тоа е се што би кажал на таа тема“, изјави Артета.

Инаку, Анчелоти повеќе не е толку сигурен по неколку лоши резултати кои тимот ги нанижа во првенството, но тука е и поразот од Барселона во првиот натпревар од полуфиналето во шпанскиот куп.