Островот во ШОК по изјавата на Клатенбург: Фабрегас се огласи прв (ФОТО)

Марк Клатенбург во разговор за Би-Би-Си одлучи да признае дека имал план да го сопре Тотенхем на патот до шампионската титула во Англија.

Некогашниот судија беше главен арбитар на мечот помеѓу Тотенхем и Челзи кој заврши со резултат 2:2, по што клубот од „Вајт Харт Лејн“ остана без шанси да биде носител на титулата на Островот.

„Добро се сеќавам на натпреварот помеѓу Тотенхем и Челзи бидејќи во истиот влегов со план, Тотенхем да остане без шанси за титулата. Поделив дури девет жолти картони и можев да поделам три црвени, но не сакав. Да го направев тоа насловите би биле дека Клатенбург го уништил Тотенхем, но вака испадна дека на крајот самите себеси си чинеа титула“, истакна Клатенбург.

Откако одлучи по година и половина да ја отвори душата и да признае дека тој е еден од заслужните што Лестер направи чудо со освојување на титулата, се огласија многу јавни личности во Англија.

Еден од нив е и Цеск Фабрегас кој преку твитер порача дека е запрепастен по ваквата изјава на Клатенбург.