Освои четири трофеи во ЛШ, а одигра само 17 минути во финалињата

Челзи синоќа ја освои својата втора титула во ЛШ, откако во финалето го победи Манчестер Сити.

Во центарот на вниманието после мечот беше Матео Ковачиќ, кој стигна до неверојатно постигнување. Имено, ова за Ковачиќ беше четвртиот трофеј во најелитното натпреварување.

Ковачиќ ги одигра последните 17 минути на синоќешниот меч и тоа за него беше прв настап во едно финале.

Тој беше дел од трите по ред титули на Реал Мадрид во Лигата на шампионите, но без ниту една минута на теренот во финалните натпревари.