Ориги го напушта Ливерпул во јануари

Напаѓачот на Ливерпул, Дивок Ориги најверојатно ќе го напушти клубот во зимскиот преоден рок, пренесуваат англиските медиуми.

25-годишниот напаѓач не добива голема минутажа кај Јирген Клоп, па тоа е причината поради која сака да ја промени средината.

Оваа сезона Ориги настапи на три натпревари за Ливерпул во сите конкуренции, на кои постигна 1 гоал и запиша 1 асистенција.

Интерес за него покажуваат неколку клубови од Премиер лигата и Серија А, а Ливерпул е спремен да го пушти ако пристигне добра понуда.