Омилен „супермаркет“: Ливерпул му платил на Саутемптон над 170 милиони фунти!

Ливерпул уплатил на сметката на Саутемптон точно 170,5 милиони фунти во последните четири години, пресметаа англиските медиуми после трансферот на Ван Дијк.

Холандскиот репрезентативец е шестиот фудбалер на „светците“ кој што се пресели во Ливерпул во изминатите четири години.

Првиот кој пристигна на „Енфилд“ од Саутемптон беше Рики Ламберт, кој потпише за „црвените“ за 4 милиони фунти. Тој одигра само 36 меча на кои постигна 3 гола и се пресели во ВБА.

Адам Лалана потпиша за Ливерпул во јули 2014 година откако Саутемптон ја прифати понудата на „црвените“ од 25 милиони фунти. Во истотот преоден рок на „Енфилд“ пристигна и Дејан Ловрен за 20 милиони фунти. Хрватскиот дефанзивец беше привлечен како замена за Џејми Карагер.

Liverpool Football Club can confirm they have reached an agreement with Southampton for the transfer of Virgil van Dijk.

Full story: https://t.co/tJy9vsGOen pic.twitter.com/L17A7UwqaU

— Liverpool FC (@LFC) December 27, 2017

Во јули 2015 година во Ливерпул пристигна Натаниел Клајн за сума од 12,5 милиони фунти. Тој минатата сезона беше незаменлив на десната бековска позиција, но оваа сезона нема настап поради повреда.

Во јуни 2016 година Ливерпул плати 34 милиони фунти за Садио Мане кој е еден од најдобрите поединци во тимот на Клоп, а последен во низата е Ван Дијк кој вчера беше платен неверојатни 75 милиони фунти.