Озил во јануари се сели во Милано?

Месут Озил во последните сезони се мачи во Арсенал, а тренерот Унаи емери му ја отвори излезната врата за трансфер во јануари.

Германецот пристигна 2013. година од Реал Мадрид за 47 милиони евра, но не се покажа како што се очекуваше. Особено тоа беше видливо минатата сезона, но оваа сезона за 30-годишниот играч е уште полошо со оглед на тоа што настапи во само два натпревари.

Арсенал сака да се ослободи од Озил, тој нема никакви преголеми желби за напуштање на тимот со оглед на тоа што има најголема плата во овој клуб на неделно ниво 350,000 фунти. Најмногу се споменуваше Фенербахче како следна дестинација, а сега италијанскит „Калчомеркато“ пишува дека Интер и Милан влегле во траката за неговиот потпис.

Двата клуба се заинтересирани, иако преголемата плата на Озил би можела да биде проблем и во јануари ќе се обидат да го доведат.