Од Баерн тврдат: Ќе го донесеме Сане за само 30 милиони!

Веќе е познато дека Лерој Сане е на мета на Баерн Минхен веќе подолго време, а германските медиуми тврдат дека играчот постигнал комплетен договор со Баварците.

Во текот на целото лето Сане беше поврзуван со трансфер во Баерн, но на првиот меч во август тој се повреди и трансферот пропадна.

Крилниот фудбалер се уште се рехабилитира од повредата и се очекува наскоро да се врати на терените, но веќе го известил раководството на „граѓаните“ дека не сака да потпишува нов договор и сака што побрзо да се пресели во Баерн Минхен.

Ивршниот директор на Баварците Карл-Хајнц Румениге ја изненади јавноста со својата изјава и тврди дека можат да го купат Германецот за сума од 30 до 50 милиони евра.

„Баерн беше подготвен да го купи минатото лето за 100-120 милиони евра, но тогаш Сане ги скина лигаментите на коленото. Сега неговата цена ќе биде многу пониска и веројатно ќе чини помеѓу 30 и 50 милиони евра“, изјави Румениге.

Како што е познато, крилото има договор со „граѓаните“ до летото 2021 година и Сити ќе мора да го продаде ова лето, но сепак останува да видиме колкава ќе биде цената на трансферот.