Од Анјтрахт потврдија: Роналдо ни беше понуден и нас

Кристиано Роналдо минатото лето му се понудил и на Ајнтрахт Франкфурт, потврди извршниот директор, Аксел Хелман.

Познато е дека Роналдо цело лето беше на излезна врата од Манчестер Јунајтед, дури и одби да се појави на подготовките и беше во потрага по нов клуб.

Се шпекулираше дека Ронлдо бил понуден на многу клубови, но на крајот никој не го сакаше, па остане на „Олд Трафорд“ и минатиот месец го раскина договорот со Јунајтед.

„Да, Роналдо ни беше понуден. Имам чувство дека беше понуден на сите клубови од Лигата на шампиони“, изјави Хелман.

Меѓутоа, од Ајнтрахт го одбиле Португалецот и одлучија да потпишат со Коло Муани, кој играше за Франција на Мундијалот.