Одбиената понуда не значеше и крај: Продолжуваат преговорите помеѓу Барса и Челзи!

„Сините“ ја одбија првата понуда, но тука не е крајот. На потег се Каталонците.

Главното прашање на „Стенфорд Бриџ“ и понатаму во овој момент е тренерот, во секој момент се очекува да пристигне Маурицио Сари како замена за Антонио Конте.

Сепак, паралелно со тоа тековно се водат и преговорите за засилувања и продажби, а една од најактуелните е поврзана со заминувањето на Бразилецот, Вилијан.

Тоа што Барселона го сака Вилијан не треба да зачудува никого. Бразилецот на Мундијалот кој е во тек ја докажува својата класа и јасно е зошто Челзи ја одби првата понуда од 50 милиони фунти.

Британски „Скај“ јавува дека одбивањето на првата понуда не значи и крај на преговирте со Барслона. Напротив, преговорите се продолжени и се очекува конечен расплет, веројатно откако Сари ќе донесе одлука што е најдобро за тимот.