Ова е планот на Погба да си замине од Јунајтед, навивачите задоволни

Пол Погба нема да се откаже.

Само ова е сигурно по летото во кое не успеа во намерата да го напушти Манчестер Јунајтед. Имено, Французинот одбил да разговара за нов договор, објасни дека не ја променил одлуката и дека нема намера да остане во клубот, па јасно е дека Јунајтед мора да го продаде следното лето. Или, како што се надева Погба, трансферот би можел да се случи уште во јануари.

Имено, неговата проценка е дека Јунајтед ќе биде далеку од важните работи, особено што веќе почнува да делува како транзициона сезона и дека клубот со евентуално доведување на Џејдон Санчо би можел да стане поприемвлив за понудите на Реал или Јувентус уште во јануари. Што се однесува на Реал, клучното прашање е дали Зидан ќе остане на клупата, ако се врати Мурињо, како што се шпекулира, на Погба вратата му е затворена.

Што се однесува на Јувентус, се надеваат дека ќе успеат во тоа што не успеаа летово, ќе се ослободат од неколку играчи, најверојатно Дијабала и Манџукиќ кои имаат понуди што би можело да значи дека Јувентус има пари за враќање на Французинот. Тој само се грижи да си замине од Јунајтед, а како што игра оваа сезона, како и минатата, изгледа дека никој нема да жали.