Ново засилување за Академија ФМП

За време на тринеделната пауза, екипата на ФМП Академија се засили со Тајрон Харис.

Тајрон Харис е играч кој е повратник во македонското првенство, каде во минатото има настапувано за екипите на КК Бест Гевгелија, КК Шкупи и последно за екипата на КК Пелистер.

Тој е роден во Хоума, Лузијана (САД) на 13 Ноември 1991 и покрај во македонските екипи, има настапувано во NCAA лигата во САД и во екипата на Слобода Тузла во босанското првенство. Висок е 188cm и тежок 79kg. Игра на позицијата бек.

Во македонското првенство има одлични настапи со просек од 18.7 поени по натпревар, 3.9 скокови по натпревар и 4.8 асистенции по натпревар.